د اسامه بن لادن د زوی، حمزه بن لادن، د ژوند په اړه یو ځل بیا ادعاوې مطرح شوې دي. په ۲۰۲۴ کال کې ځینو رسنیو د استخباراتي سرچینو په حواله راپور ورکړی و چې حمزه بن لادن ژوندی دی او ښايي په افغانستان کې د القاعدې په بیا پیاوړتیا کې ونډه ولري.
د دغو راپورونو له مخې، حمزه په افغانستان کې د القاعدې له فعالیتونو سره تړاو لري او د دې ډلې د روزنیزو مرکزونو او بیا تنظیم په چارو کې رول لري. خو دا ادعاوې په خپلواک ډول نه دي تایید شوې.
حمزه بن لادن په ۲۰۱۹ کال کې د امریکا له لوري د افغانستان او پاکستان په سیمه کې په یوه د ترهګرۍ ضد عملیاتو کې د وژل کېدو په توګه اعلان شوی و. د ملګرو ملتونو امنیت شورا هم هغه د القاعدې له غړو سره د تړاو له امله په خپل بندیز لېست کې شامل کړی و.
په همدې حال کې، رویټرز په خپل د ۲۰۲۶ کال د سپټمبر ۱۰مې په تازه راپور کې حمزه بن لادن د القاعدې د اوسني مشر په توګه نه دی یاد کړی او ویلي یې دي چې مصری وسلهوال سیف العدل د دې شبکې عملي مشر بلل کېږي.
