د اوکراین ولسمشر ولادیمیر زیلینسکي د امریکا له ولسمشر ډونالډ ټرمپ سره د خبرو لپاره واشنګټن ته سفر کوي. د فرانسې خبري آژانس شنبه د اګست پر ۱۶مه راپور ورکړ چې دا سفر به د دې اوونۍ د چهارشنبې په ورځ ترسره شي. ویل کیږي چې د دې سفر موخه په اوکراین کې د جګړې پای ته رسولو په اړه خبرې اترې دي. دا سفر په داسې حال کې کېږي چې ټرمپ تېره ورځ په الاسکا کې د روسیې له ولسمشر ولادیمیر پوتین سره وکتل. که څه هم کریملین او سپینې ماڼۍ د ټرمپ او پوتین ترمنځ غونډه ګټوره وبلله، خو رسنیو راپور ورکړ چې په دې غونډه کې هیڅ هوکړه نه ده شوې.
