فرګوسن: افغان راستنېدونکې ښځې او نجونې له ډېرېدونکو ګواښونو سره مخ دي

د ملګرو ملتونو د ښځو ادارې ویلې، چې افغان ښځې او نجونې چې له نورو هېوادونو بېرته راستنېږي، له بې‌ساري محدودیتونو، فقر، له وخته واده او تاوتریخوالي سره مخ دي. د دې ادارې ځانګړې استازې، سوسن فرګوسن، ویلې چې راستنېدونکې ښځې تر نورو ډېرې زیانمنې دي او زیاتوي، چې د دوی ملاتړ ته ځانګړي بودیجې ته اړتیا ده، څو مرسته کوونکي د دوی ستونزو ته پر وخت رسېدنه وکړي. د راستنو شویو پر وړاندې د سرپناه نشتون یوه اساسي ستونزه یاده شوې، او راپورونه ښيي چې یوازې ۱۰ سلنه کورنۍ چې ښځې یې سرپرستي کوي، په دايمي سرپناه کې اوسېږي.