د افغانستان خبریالانو مرکز ويلي؛چې په فاریاب او دایکندي کې د طالبانو امر باالمعروف او نهی عنالمنکر ریاستونو په رسنیو کې د ژوندیو موجوداتو د انځورونو پر خپرولو بندیز لګولی دی.
ياد مرکزپه یوې خپرې کړې خبرپاڼې کې د هېواد په نیمايي ولایتونو کې د ژوندیو موجوداتو پر انځور خپرولو د بندیز له پراخېدو اندېښنه ښودلې ده.
نوموړي بنسټ پر رسنیو، خبریالانو او معلوماتو ته د لاسرسي په برخه کې د دغه بندیز د منفي پایلو په اړه خبرداری ورکړی دی.
دغه مرکز نن په خبرپاڼه کې ویلي،چې له دې اعلان سره د هغو ولایتونو شمېر، چې دغه ډول تصویرونه په کې بند شوي، ١٧ ته رسېدلی.
د یادونې ده،چې د طالبانو له خوا پر رسنیو پراخ محدودیتونه لا هم دوام لري.
د طالبانو د امرباالمعروف او نهی عن المنکر وزارت له دې وړاندې ویلي وو، چې دوی دغه بندیز په تدریج سره په ټول افغانستان کې پلی کوي.
د ژوندیو موجوداتو د تصویرونو بندیز، د امربالمعروف او نهی عن المنکر د هغه قانون برخه ده،چې د تېر کال په اګست کې اعلان او رسمي جریده کې خپور شو.
