د هند او سریلانکا په کوربهتوب د روان شل اووره سیالیو نړیوال جام کې نن سکاټلنډ لوبډلې د ۷۳ منډو په توپیر اېټالیا ته ماتې ورکړه. دغه سیالي چې نن له غرمې مخکې پیل شوه، سکاټلنډ لومړی توپوهنه وکړه او په ټاکل شویو شلو اورونو کې یې، د څلور لوبغاړو په سوځېدو ۲۰۷ منډې جوړې کړې. د سکاټلنډ لپاره جورج مونزي تر ټولو ډېرې ۸۴ منډې جوړې کړې. په ځواب کې د اېټالیا لوبډلې د ټولو لوبغاړو په سوځېدو سره یوازې ۱۳۴ منډې وکړې. دوی یوازې ۱۶.۴ اوورونه ولوبول. دغه سیالي د یاد جام له سي ګروپ څخه د هند په کلکتې کې وشوه.
