طالبانو د خاتم‌النبین خصوصي پوهنتون جواز لغوه کړ

د طالبانو تر ولکې لاندې د لوړو زده‌کړو وزارت ویاند حافظ ضیاءالله هاشمي ويلي، د خاتم‌النبین پوهنتون جواز اسلامي ارزښتونو ته د سپکاوي له امله لغوه شو.
د ښاغلي هاشمي پر وینا: دا پرېکړه یې وروسته له هغې وکړه چې یاد پوهنتون د پالیسۍ خلاف کړنې کولې، اسلامي ارزښتونو ته یې سپکاوی درلود او د پوهنتون له نوم او مقام یې غلطه استفاده کوله.
هاشمي ويلي، د ګڼو ناستو او خبرداریو سره سره د دغه پوهنتون رهبري له خپل دریځ شاته نه شول چې بالاخره دوی اړ شول، جواز یې لغوه کړي.
هغه زیاته کړه چې د دې پوهنتون محصلین به د سمسټرونو د بشپړولو لپاره د ځانګړې تخفیف سره نورو تخصصي پوهنتونونو ته ولېږدول شي.
https://x.com/1TVNewsAF/status/2100176748256072149?s=20