د «ههنګاو» بشري حقونو سازمان ویلي چې د ایران د اصفهان ولایت د دستګرد زندان چارواکو د افغان وګړي ګلمحمد محمدي او د ایران د وګړي عرفان اسفندیاري د اعدام حکم اجرا کړی دی. د دغه سازمان د معلوماتو له مخې، دواړه کسان د یوې ګډې قضیې په تړاو اعدام شوي دي. ههنګاو خبرداری ورکړی چې د همدې دوسیې لس نور تورن کسان هم د اعدام له سزا سره مخ دي. د ایران قضايي رسنیو هم د دغو اعدامونو پخلی کړی، خو تر اوسه یې د قضیې د جزئیاتو، د تورونو او د محکمې د پرېکړې په اړه نور معلومات نه دي خپاره کړي.
