د افغانستان رسنۍ ته نږدې سرچینې وایي، ټاکل شوې چې د افغانستان د پخواني ولسي جرګې غړی ظاهر قدیر نن د جمعې په ورځ له کینیا څخه متحده ایالاتو ته انتقال شي. دا پرمختګ وروسته له هغه رامنځته شوی چې د نایروبي عالي محکمې امریکا ته د هغه د سپارلو پرېکړه تایید کړه. د امریکا قضایي چارواکي ظاهر قدیر د نشهيي توکو په قاچاق او د ناقانونه وسلو په ساتلو تورنوي. خو د هغه کورنۍ او مدافع وکیلان دغه تورونه ردوي او وایي چې د نوموړي قضیه سیاسي انګېزې لري.
