د متحده ایالاتو ولسمشر ډونالډ ټرمپ ویلي چې د سویس د لومړي پړاو د خبرو اترو له پایلو وروسته د ایران د کنګل شویو شتمنیو یوه برخه ازاده شوې ده. هغه ویلي چې دغه پیسې به د خوړو د پېرلو لپاره وکارول شي او ټینګار یې کړی چې دا پېرود به یوازې له متحده ایالاتو څخه ترسره کېږي. ټرمپ ویلي: «جوار، سویابین او نور هغه توکي چې ایران ورته اړتیا لري، د زموږ د بزګرانو څخه به وپېرل شي. زموږ بزګران له دې موضوع ډېر خوشحاله دي او ما په دې اړه ډېر اړیکي ترلاسه کړي چې د هغوی د رضایت څرګندونه کوي.» تر اوسه ایراني چارواکو د دغو څرګندونو او د آزادو شویو پیسو د کارولو د څرنګوالي په اړه کوم رسمي غبرګون نه دی ښودلی.
