د اوکراین ولسمشر ولودیمیر زلنسکي ویلي چې ۱۵ د ناټو غړي هېوادونه او ۱۲ غیر غړي هېوادونه له اوکراین سره د بېپیلوټه الوتکو (ډرونونو) په برخه کې ګډه همکاري لري. زلنسکي په خپلو تازه څرګندونو کې ویلي چې دا همکاري د اوکراین د دفاعي ظرفیت د پیاوړتیا او د جګړې په ډګر کې د ټکنالوژۍ د کارونې د پراختیا لپاره مهمه ده. هغه زیاته کړې چې د ډرونونو په برخه کې دا نړیوال ملاتړ د اوکراین له پوځ سره مرسته کوي څو د دفاعي عملیاتو وړتیاوې لا پیاوړې کړي. د راپورونو له مخې، اوکراین هڅه کوي د متحدو هېوادونو په همکارۍ د بېپیلوټه الوتکو تولید او کارونه لا پراخ کړي.
