د کابل ښار په شپږمې امنیتي حوزې په ساحه کې یوه پېښه رامنځته شوې چې په پایله کې یې درې نجونې ټپیانې شوې وو. د کابل امنیه قوماندانۍ ویاند خالد زدران ویلي چې د پېښې له رامنځته کېدو وروسته د دې قضیې عامل پېژندل شوی، نیول شوی او له خپل موټر سره یو ځای تر څېړنو لاندې دی. د هغه په وینا، نیول شوی کس اوسمهال د اړوندو ارګانونو تر تحقیقاتو لاندې دی. د پولیسو د ورکړل شویو معلوماتو له مخې، په دې قضیه کې د قانوني څېړنو بهیر روان دی او نور جزییات به د څېړنو له بشپړېدو وروسته له رسنیو سره شریک شي.
