عباس عراقچي، د ايران د بهرنيو چارو وزير، يو ځل بيا ټينګار کړی چې د هرمز تنګی نړيواله اوبهلاره نه ده او د ايران او عمان تر ګډ حاکميت لاندې راځي. هغه ويلي چې په دې سيمه کې سمندري پولې په بشپړ ډول ټاکل شوې او روښانه دي، او د هرمز تنګی د متحده ايالاتو له ساحلونو څخه په ډېر واټن کې موقعيت لري. عراقچي دا څرګندونې په داسې حال کې کړې چې د هرمز تنګي د ستراتيژيک اهميت او په دې مهم سمندري دهلېز کې د کښتيو د تګ راتګ د امنيت په اړه بحثونه لا هم روان دي.
