د ټرمپ ادارې د ناسمو پالیسیو له امله په نړیواله کچه د ا مریکا په اړه منفي احساسات زیات شوي دي. د یوې نوې نړیوالې سروې موندنې ښيي، چې په ټوله نړۍ کې د امریکا په اړه رایه یا تصور په پرله پسې ډول د دویم کال لپاره نور هم خراب شوی او اوس له روس هم په ډېر منفي نظر ورته لیدل کېږي. په ډنمارک کې د ولسواکۍ د یووالي بنسټ له لوري په شوې سروې کې راغلي، چې د امریکا ولسمشر ډونالډ ټرمپ سیاستونو په نړیواله کچه د امریکا نوم ته سخت زیان رسولی دی. بریټانوي خبري اژانس رویټرز د دغه بنسټ د هغو پوښتنو له مخې، چې د نړۍ بېلا بېلو هېوادونو له اوسېدونکو څخه شوې لیکلي، ډیری خلکو له روس او اسرائیلو وروسته نړیوال امن لپاره امریکا ګواښ بللی دی.
