افغانستان لپاره د امریکا پخواني ځانګړي استازي، زلمي خلیلزاد خبرداری ورکړی، چې چین په پراخه کچه د امریکا د مصنوعي استخباراتو (AI) ټیکنالوژیو په غلا کولو تمرکز کوي. خلیلزاد دا هڅې د امریکا ملي امنیت او د دغه هېواد نسبي ځواک ته یو “جدي ګواښ” بللی دی. خلیلزاد په خپلو خبرو کې د امریکا پر ولسمشر، د سي ای اې او د بهرنیو چارو پر مشرانو غږ کړی چې دغه موضوع ته جدي پاملرنه وکړي. د نوموړي په وینا، که د چین د دغه فعالیت مخه ونه نیول شي، دا به د نړۍ وال ځواک توازن د امریکا په زیان بدل کړي. د امریکا او چین ترمنځ د ټیکنالوژۍ په ځانګړي ډول د مصنوعي استخباراتو په برخه کې رقابت په ۲۰۲۶ کال کې نوي پړاو ته ننوتلی دی. امریکا هڅه کوي چې خپل پرمختللي چپس او د AI الګوریتمونه خوندي وساتي، په داسې حال کې چې چین هڅه کوي په دې برخه کې ځان تر نړۍ مخکې کړي.
