د نیمروز لپاره د طالبانو د کرنې، اوبو لګولو او مالدارۍ رئیس نیازمحمد وهاج د ترافیکي پېښې له امله ژوند بایللی دی. د یاد ولایت د پولیسو ویاند ګل محمد قدرت وایي، دا پېښه تېره ورځ د دلارام ولسوالۍ په مربوطاتو کې شوې ده. د سرچینو د معلوماتو لهمخې د هغه موټر د تېز سرعت له امله چپه شوی، چې له امله یې نوموړی مړ شوی دی. وروستيو کې د افغانستان په بېلابېلو سيمو کې ترافيکي پېښې ډېرې شوي، چې لامل يې د موټرچلوونکو بېاحتياطي او د لويو لارو خرابوالی ښودل شوی دی.
