د روسیې ولسمشر ولادیمیر پوتین اعلان کړی، چې د ارتودوکس عیسویانو د ایسټر اختر په مناسبت به له اوکراین سره دوه ورځنی اوربند نافذ شي. د کریملین په وینا، دا اوربند به د اپرېل د ۱۱مې نېټې د مازدیګر له څلورو بجو پیل او د اپرېل تر ۱۲مې نېټې پورې بهدوام وکړي، او له اوکراین څخه هم تمه شوې چې ورته اقدام وکړي. روسیې خپل پوځ ته امر کړی چې په دې موده کې پوځي عملیات ودروي. اوکراین تر اوسه په دې اړه رسمي غبرګون نه دی ښودلی.
