د امريکايي رسنيو د راپورونو له مخې، د امريکا ولسمشر ډونالډ ټرمپ د ايران سره د احتمالي توافق د لومړني مسودې په تازه نسخه کې بدلونونه راوستي دي. رسمي سرچينې وايي چې په دې نسخه کې د واشنګټن له لوري وړاندې شوي شرطونه لا سخت شوي او دا وړانديز تهران ته استول شوی دی. خو د نويو بندونو بشپړ جزئيات تر اوسه نه دي افشا شوي. ډونالډ ټرمپ څو ځله ټينګار کړی چې د هغه اصلي هدف دا دی چې ايران ته د اټومي وسلو د لاسرسي مخه ونيسي. هغه په يوه مرکه کې د فاکس نيوز شبکې له لارې ويلي چې په دې برخه کې يې ځينې ډاډونه هم ترلاسه کړي دي. له بلې خوا، ايراني چارواکو تل د ټرمپ د څرګندونو او د مذاکراتو د بهير په اړه راپورونه تر پوښتنې لاندې راوستي دي.
