د «ایر کاناډا اکسپرس» یوه مسافر وړونکې الوتکه د امریکا د نیویارک ښار په لاګاردیا هوايي ډګر کې له ناستې وروسته له یوه موټر سره ټکر شوې، چې له امله یې د هوايي چلند چارواکو د بیړني حالت له امله ټولې الوتنې د لنډ وخت لپاره ځنډولې دي. د رویټرز د راپور له مخې، دغه الوتکه چې د کاناډا د مونتریال ښار څخه نیویارک ته روانه وه، د لاګاردیا هوايي ډګر پر ځغاستلیکه د ناستې پر مهال له یوه موټرسره ټکر شوې ده. تر اوسه د دې پېښې په اړه ډېر جزئیات نه دي ورکړل شوي.
