د ناټو مشرانو ویلي، د ګرینلنډ په اړه د ټرمپ ستراتیژي به ناټو سازمان ګډوډ او له پاشل کېدو سره مخ کړي. خو ټرمپ بیا تازه ویلي، ډنمارک د ګرینلنډ جزیرې د مدیریت وړتیا نه لري. ټرمپ ویلي، د یادې جزیرې د ترلاسه کولو لپاره یې په اروپایي مشرانو فشار راوړی او هیله یې ښودلې، چې د داوس سرمشریزه کې به اروپایي مشرانو سره په دې اړه خبرې وکړي او یوې هوکړي ته به ورسیږي. نوموړي د ګرینلنډ جزیره د واشنګټن ملي امنیت لپاره مهمه بللې ده. دا په داسې حال کې ده، چې ولسمشر ټرمپ بیاځلې واک ته د رسېدو یو کال پوره شو نوموړي ادعا کړې، چې یاده موده کې یې اته جګړې دورلې او د امریکا ګټو خوندیتوب لپاره یې ځینې سیمې نیولې هم دي.
