د ازبکستان د فرغانې والي له ۱۲۰ سوداګرو او پانګهوالو سره نن سهار (یکشنبه) کابل ته ورسېد. د دغه پلاوي له راتګ سره، افغانستان ته د ازبکستان د راغلو سوداګرو او پانګهوالو شمېر، چې له پرون راهیسې یې سفر پیل کړی، شاوخوا ۳۰۰ تنو ته رسېدلی دی. د احسان په وینا، ټاکل شوې چې دغه سوداګر او پانګهوال په هغه افغان-ازبک فورم کې ګډون وکړي چې د یوې ورځې لپاره په کابل کې جوړېږي. په دغه فورم کې به د دواړو هېوادونو د سوداګریزو او پانګونې اړیکو د پراختیا په اړه خبرې او بحثونه وشي.
