د هند صدراعظم خبرداری ورکړی ، که په راتلونکي کې د پاکستان له لورې پر هند برید وشي، سخته سزا به ورکړي. نریندرا مودي دا خبرداری نن له بریتانوي استعمار څخه د هند د خپلواکۍ د اته اویایمې کلیزې په مناسب اسلام اباد ته ورکړ. ښاغلي مودي دا څرګندونې درې میاشتې وروسته تر دې کړې، چې هند او پاکستان څلور ورځې جګړه وکړه. دا جګړه د هند تر واک لاندې کشمیر کې د پهلګام په سیمه کې د ترهګرو له یوه برید وروسته پيل شوه. د ترهګرو په دې برید کې ٢٦ سیلانیان ووژل شول، نوي ډیلي د دې برید پړه پر پاکستان واچوله او پاکستان په دغه برید کې لاس لرل رد کړل.
