ایراني رسنیو راپور ورکړی چې د سیستان او بلوچستان ولایت د میرجاوې ولسوالۍ د «علي ابن ابي طالب» جومات امامجمعه مولوي محمد انور ریګي د ناپېژاندو کسانو له خوا ترور شوی دی. د راپورونو له مخې، دا پېښه د دوشنبې په ورځ، د سرطان په ۲۹مه، د سهار شاوخوا څلور بجې رامنځته شوې ده. ویل شوي چې برید کوونکو د پېښې له ځایه تښتېدلي دي. تر اوسه د دې ترور د عاملانو د نیول کېدو، د هغوی د هویت او د برید د احتمالي انګېزې په اړه معلومات نه دي خپاره شوي.
