د امریکا پخواني ولسمشر باراک اوباما ویلي چې د واشنګټن له لوري له ایران سره د اټومي تړون وتل د دې سبب شوي چې د ایران اټومي وړتیا نوره هم پراخه شي. هغه د ایران پر وړاندې د وروستۍ شخړې د لګښتونو په اړه ویلي چې میلیاردونه ډالر مصرف شوي، پر امریکایي پوځ فشار زیات شوی او ګڼ شمېر کسان خپل ژوند له لاسه ورکړی، خو په وینا یې اوس وضعیت تقریباً د جګړې له پیل وړاندې حالت ته بېرته نږدې شوی دی. اوباما همدارنګه ویلي چې د اوربند له مخې ۶۰ ورځې وخت ټاکل شوی څو د ایران د اټومي پروګرام په اړه یو پلان جوړ شي، خو لا هم څرګنده نه ده چې دا طرحه به څه ډول وي.
