د سوریه نوي پارلمان د یکشنبې په ورځ خپله لومړنۍ غونډه ترسره کړه. دا غونډه ۱۹ میاشتې وروسته کېږي چې د احمد الشرع په مشرۍ وسلهوالو مخالفینو د بشار الاسد حکومت ړنګ کړ. احمد الشرع په دمشق کې د پارلمان په وینا کې له غړو وغوښتل چې دغه شورا «د مسؤلیتپالنې او وړتیا بېلګه» وګرځوي. هغه پارلمان «د رښتیا او عدالت د غږ پورته کولو ځای» وباله. الشرع وویل: «سوریه د خپل ویاړلي تاریخ نوې پاڼه لیکي چې د خلکو اتلولۍ پکې انعکاس مومي، او موږ د ملت جوړونې او د خلکو د روزنې مسؤلیت لرو.» نوی سوریایي پارلمان د احمد الشرع د دې ژمنې لپاره یو مهم ازمېښت بلل کېږي چې په هېواد کې به یو ټولشموله سیاسي نظام رامنځته کړي. سوریه د څو لسیزو لپاره د اسد کورنۍ تر واک لاندې وه، او پارلمان یې تر ډېره د حکومت د پرېکړو د تاییدولو دنده لرله.
