د بلوچستان په ایالت کې د وروستیو بریدونو وروسته، د پاکستان لومړي وزیر شهباز شریف او د دغه هېواد د پوځ مشر جنرال عاصم منیر دغه ایالت ته سفر کړی دی. شهباز شریف د بلوچستان په امنیتي ناسته کې ادعا وکړه چې وسلهوالې ډلې د پاکستان پر ضد د بریدونو لپاره د افغانستان له خاورې کار اخلي. نوموړي هند هم د هغه څه په ملاتړ تورن کړ چې ده «ترهګري» وبلله، او ټینګار یې وکړ چې اسلاماباد به خپلو امنیتي هڅو ته دوام ورکړي. طالبانو او هند تر دې مخکې د پاکستان دا ادعاوې رد کړې دي.
