د ایران رسنیو راپور ورکړی چې د پاکستان د کورنیو چارو وزیر «محسن نقوي» ایران ته سفر کړی دی. د ایسنا خبري اژانس د راپور له مخې، د پاکستان د کورنیو چارو وزیر نن دی شنبې په ورځ غبرګولي ۳۰مه د مشهد ښار ته رسېدلی او ټاکل شوې ده چې له هغه ځایه د ایران پلازمېنې تهران ته سفر وکړي. دغه راپور زیاتوي چې د ایران د بهرنیو چارو وزارت ویاند «اسماعیل بقايي» ویلي، دا سفر د اسلاماباد د هغو هڅو په دوام ترسره کېږي چې د ایران او متحده ایالاتو ترمنځ د خبرو اترو په تړاو روانې دي.
