ناټو د روسیې پر وړاندې د مخنیوي او دفاعي وړتیاوو د پیاوړتیا په لړ کې په فنلنډ او سویډن کې د خپلو ځواکونو د ځای پر ځای کولو او پوځي جوړښتونو د پراختیا بهیر پیل کړی دی. د دې پروګرام له مخې، په شمالي اروپا کې به څو ملي ځمکني ځواکونه رامنځته شي، پوځي زیربناوې به پراخې شي او د ناټو د غړو هېوادونو ترمنځ به عملیاتي همغږي نوره هم زیاته شي. ناټو ویلي چې دغه اقدامات د ائتلاف د دفاعي چمتووالي د لوړولو او په سیمه کې د امنیتي ګواښونو پر وړاندې د ګډ غبرګون د پیاوړتیا په موخه ترسره کېږي.
