چین اعلان کړی، چې غواړي تر ۲۰۲۷ کال پورې د نړۍ لومړنی «مصنوعي رحم» فعال کړي؛ داسې یو پرمختللی سیسټم چې د انسان له بدنه بهر د جنین د ودې ملاتړ کولی شي. دغه سیستم د ژوند د ملاتړ له پرمختللې ټکنالوژۍ، د غذایي موادو رسولو، اکسیجن برابرولو او د وخت په تېرېدو د دوامدار څارنې له لارې د رحم دننه شرایط برابروي. د دې ټکنالوژۍ اصلي موخه د ډېر وخت نه مخکې نوزېږو ماشومانو ملاتړ او د انسان د لومړنۍ ودې څېړنه ده. څېړونکي ټینګار کوي، چې دا پروژه د طبیعي امیدوارۍ بدیل نه ده، بلکې د طبي څېړنو او د نوزېږو د پاملرنې لپاره طرحه شوې ده. همداراز، د اخلاقي څارنې او سختو مقرراتو پر جوړولو کار روان دی. مصنوعي رحمونه کولای شي د ډېر وخت نه مخکې زېږېدلو ماشومانو د ژوندي پاتې کېدو کچه په څرګند ډول لوړه کړي او د امیدوارۍ اړوند روغتیایي خطرونه راکم کړي. د ژوندپوهنې (بیواتیکس) متخصصان وایي چې دا ټکنالوژي د تولید بېلګې، د ماشوم روزنې او ټولنې په اړه ژورې پوښتنې راپورته کوي، خو که په سمه توګه مدیریت شي، د انسان د ژوند ژغورلو ستر ظرفیت لري.
