امریکایي فعالانو د سپټمبر ١١مه توره ورځ بللې

نن پنجشنبه، د سپټمر ۱۱مه د امریکا د دفاع وزارت د پنټاګون پر ودانۍ او نیویارک کې پر سوداګریزو برجونو د بریدونو ۲۴مې کلیزې سره برابره ده. د ۲۰۰۱ کال د سپټمبر په ۱۱مه القاعده شبکې په څو الوتکو سره د امریکا نیویارک ښار کې سوداګریز برجونه په نښه کړل چې پایله کې یې څه باندې ۳ زره تنه ووژل شول. امریکا د دې برید مسئوله القاعده ډله وبلله او هغه مهال د دې ډلې مشر اسامه بن لادن افغانستان کې اوسېده. امریکا ته د بن‌لادن د ورسپارلو په اړه د طالبانو د مخالفت لامل شو چې د متحده ایالتونو د هغه وخت ولسمشر جورج ډبلیو بوش د نړیوالې ټولنې په ملاتړ افغانستان ته ځواکونه واستوي. خو ۲۰۲۱ کال کې د جمهوري نظام په نړېدو سره امریکايي ځواکونه هم له نژدې نژدې دوه لسیزې حضور وروسته، هېواد څخه ووتل. په ټولنیزو شبکو کې ګڼو امریکايي فعالانو د دغې ورځې یادونه کړې او دغه ورځ یې د امریکا لپاره یوه توره ورځ یاده کړې ده.