اسرائیلو د ټولې غزې د اشغال پرېکړه کړې

الجزیرې د اسرائیلي رسنیو له قوله خبر ورکړی، چې د صهیونېست رژیم لومړی وزیر د غزې د بشپړ اشغال پرېکړه کړې ده. ویل کېږي، چې ددې رژیم عسکرو د یادې موخې د ترلاسه کولو لپاره خپلو عملیاتو ته زور ورکړی. د فلسطین د بهرنیو چارو وزارت دا پرېکړه غندلې او له نړیوالې ټولنې یې مرسته غوښتې ده. دا راپورونه په داسې حال کې ورکول کېږي، چې تېره سه شنبه نتانیاهو خپله جنګي کابینه راغوښتې وه او په غزه کې یې د خپلو ناکامیو او د دوه کلنې جګړې په تړاو بحثونه وکړل. بلخوا صهیونېست رژیم له نړیوال فشار سره مخ دی؛ تر څو جګړه ودروي او د بشري مرستو د لېږد اجازه ورکړي.