د غزې د سولې پلاوي ویلي چې حماس د خپلو ټولو وسلو د پرېښودلو لپاره له یوې ټاکلې لارې نقشې سره موافقه کړې ده. د دې طرحې له مخې، د وسلو د سپارلو د بهیر له بشپړېدو وروسته به اسراییلي ځواکونه له غزې څخه ووځي. دغه پلاوي، چې مصر، قطر، ترکیه او متحده ایالات یې منځګړي دي، ویلي چې دا هوکړه کولای شي د جګړې د پای ته رسېدو او د امنیت د ټینګښت لپاره لاره هواره کړي. د امریکا ولسمشر ډونالډ ټرمپ هم ویلي چې د غزې د سولې پلاوي د حماس د بې وسلې کولو او د غزې د چارو د یوې ملکي کمېټې ته د سپارلو په اړه «تاریخي هوکړه» کړې ده. د دې طرحې له مخې، د حماس له بې وسلې کېدو وروسته به یو نړیوال ثبات ساتونکی ځواک د نوي فلسطیني پولیسو په همکارۍ د غزې د امنیت دنده پر غاړه واخلي.
- Advertisment -
- Advertisment -
