د یدیعوت احرونوت ورځپاڼې د یوه اسرائيلي ډیپلوماټ په حواله راپور ورکړی،چې “اسرائیل له یوې رښتینې سونامي سره مخ دی چې لا به خراب شي.”
د اسراییلو د بهرنیو چارو وزارت یوې سرچینې، چې نوم یې نه دی اخیستل شوی، دې ورځپاڼي ته ویلي: “موږ په خورا بد حالت کې یو او نړۍ زموږ څخه شا اړولې او هېڅوک نه غواړي چې ورسره اړيکه ولري.
يادې ورځپاڼې د ډيپلومات له قوله ویلي: “د ۲۰۲۳ مم کال د نومبر راهیسې، نړۍ د فلسطیني ماشومانو د مړو او ویجاړو کورونو پرته بل څه نه دي لیدلي.”
چارواکي زياته کړې: “اسرائیل د بلې ورځې لپاره هېڅ حل لاره یا پلان نه وړاندې کوي، یوازې مرګ او ویجاړتیا.”
هغه دا هم ويلي: “یوه خاموشه بایکاټ شتون لري، خو دا به لا پراخ او شدید شي او موږ باید د هغې خطر کم ونه ګڼو.”
