هندي رسنیو خبر ورکړی،چې د کلکتې په یو هوټل کې د اورلګېدنې له امله ۱۴ کسان مړه شوي دي.
د کلکتې پولیسو رسنیو ته ویلي،چې دا پېښه تېره شپه شوې او اورلګېدنه مهار شوې ده.
تر اوسه د دې اورلګېدنې لامل نه دی روښانه شوی، خو د پولیسو پر وینا چې د پېښې د څېړنې لپاره یوه ډله ګومارل شوې ده.
له دې مخکې هم په هند کې د ورته پېښو په پایله کې پراخ زیانونه اوښتي وو.
دا په داسې حال کې ده چې پرون د چین په یو رستورانت کې د اورلګېدنې له امله لسګونو کسانو ته مرګژوبله واوښته.
د چینايي رسنیو د راپورونو له مخې چې دا اورلګېدنه تر یوې چاودنې وروسته شوې او لامل یې د ګاز ډبې خرابوالی ښودل شوی دی.
د ویلو ده چې له هغې مخکې د ایران په بندرعباس کې د خونړۍ چاودنې له امله لسګونه زره کسانو ته مرګژوبله واوښته.
ایراني او چینایي چارواکو وروستیو چاودنې او اورلګېدنې جدي خبرداری بللی او په دې اړه یې د کره څېړنو غوښتنه کړې ده.
