په داسې حال کې چې ایران اعلان کړی د واشنګټن تازه لیدلوري یې د کړکېچ د پای ته رسولو او د احتمالي هوکړې د چوکاټ په اړه ترلاسه کړي او تر ارزونې لاندې یې نیولي دي، دوو لوړپوړو ایراني سرچینو رویټرز ته ویلي چې سید مجتبی خامنهای د ایران د غني شويو یورانیمو د زېرمو له هېواده بهر انتقال سره مخالفت کړی دی. د دغو سرچینو په وینا، خامنهيي غواړي چې د لوړې کچې غني شوي یورانیمي زېرمې د ایران دننه وساتل شي. دا دریځ ښايي د امریکا له مهمو غوښتنو څخه یوه، یعنې د ایران شاوخوا ۴۴۰ کیلوګرامه ۶۰ سلنه غني شوي یورانیمو بهر ته لېږد، له جدي خنډ سره مخ کړي.
