د جاپان مخکښ هوايي شرکت، جاپان ایرلاینز اعلان کړی، چې د توکیو په هانېدا هوايي ډګر کې به د ځمکنيو خدماتو په عملیاتو کې د هیومانوېډ روباټونو کارول پیل کړي. د دې شرکت پر وینا، دغه ازمایښتي پروګرام به له می میاشتې پیل شي او دوه کاله به دوام وکړي. دا پروژه د ټکنالوژۍ له شرکت جي ایم او AI او روبوټيکس سره په ګډه پر مخ وړل کېږي. چارواکي وایي، دا نوښت کولی شي د کارکوونکو کمښت ستونزه تر یوه بریده حل کړي او د خدماتو چټکتیا او اغېزمنتیا زیاته کړي.
