د امريکا دفاع وزارت خبر ورکړی، چې متحده ايالات به له جرمني خپل شاوخوا پنځهزره سرتېري وباسي. پنټاګون دا خبر داسې مهال ورکړی، چې له ايران سره د جګړې په خاطر د امريکا او ناټو ترمنځ اختلافات زيات شوي دي. د امريکا ولسمشر ډونالډ ټرمپ تر دې مخکې خبر ورکړی و، چې جرمني کې به د خپلو سرتېرو حضور کم کړي. امريکايي رسنيو خبر ورکړی، چې له جرمني څخه د ځواکونو د اېستلو بهير به تر يو کال پورې بشپړ شي. دا په داسې حال کې ده، چې ډونالډ ټرمپ خبر ورکړی، له ايران سره يې جګړه پای ته رسېدلی، خو تقابل ته به دوام ورکوي.
