د منګل کرېکټ سوپر لیګ د نهم پړاو سیالۍ تېره ورځ (جمعه، د وري ۷مه) د کابل ولایت د چهاراسیاب ولسوالۍ په منګل کرېکټ لوبغالي کې پیل شوې. د مسئولینو په وینا، دغه لیګ د ځوانو لوبغاړو لپاره یو مهم فرصت دی، څو خپل استعدادونه وښيي او د کرېکټ په ډګر کې ورته د پرمختګ زمینه برابره شي. دوی زیاته کړې، تمه ده، چې له دې سیالیو څخه به نوي او ځلېدونکي استعدادونه راڅرګند شي. د معلوماتو له مخې، یاد لیګ به شاوخوا دوه میاشتې دوام وکړي، چې د هرې جمعې په ورځ به څلور لوبې ترسره کېږي.
