د پاکستان ځانګړي استازی محمد صادق او د افغانستان لپاره د اروپايي ټولنې ځانګړي استازي ژېل برتران د بشري حقونو د وضعیت په اړه خبرې اترې کړې دي. صادق نن پنجشنبه د کب پر ۷مه ویلي، چې دغه خبرې په آنلاین بڼه شوې او دغه راز یې د سیمې په سیاسي او امنیتي وضعیت هم بحث کړی دی. د صادق په وینا، که څه هم خبرې اترې د بشري حقونو پر وضعیت متمرکزې وې، خو دوی د ترهګرۍ او اړوندو ګواښونو په اړه هم خبرې وکړې. په افغانستان باندې د اسلام اباد له هوایي بریدونو وروسته، د پاکستان ځانګړی استازی د ازبيکستان، ایران او په افغانستان کې د اروپايي ټولنې له استازي سره د امنیتي ګواښونو په تړاو خبرې اترې کړې دي. ژېل برتران تر دې وړاندې ویلي وو، چې «د طالبانو د محاکمو د جزایي اصولنامه ټولنیزه نابرابري بنسټیزه کړې ده.
