د اروپایي ټولنې د بهرني سیاست مشرې «کایا کالاس» د ایران حکومت د ایراني لاریونکوونکو په وژلو تورن کړی او پر یو شمیر ایراني چارواکو یې د بندیزونو د وضع کیدو خبر هم ورکړی دی. بلخوا بیا د ایران د بهرنیو چارو وزیر «سید عباس عراقچي» اروپا په سیمه کې د کړکیچ پر پراخولو تورنه کړې او ویلي یې دي، چې یو شمېر هیوادونه د بشپړې جګړې څخه د مخنیوي هڅه کوي خو له ډلې یې یو هم اروپایي هیواد نه دی. د یادولو ده چې تازه ترکیې د ایران او امریکې تر منځ د منځگړتوب وړاندیز کړی او د ایران د بهرنیو چارو وزیر په همدې تړاو نن جمعه انقرې ته ځي.
