د افغانستان لپاره د ترکیې شارژدافیر «سادین ایلد» د طالبانو د عامې روغتیا له وزیر، مولوي نور جلال جلالي سره کتلي دي.
په دې کتنه کې د افغان روغتیايي کارکوونکو د روزنې، د زړه په ناروغۍ اخته ماشومانو د درملنې لپاره د اسانتياوو زیاتولو، په ولسوالیو کې د عمومي روغتونونو جوړولو او د سرطان روغتون لپاره د اړینو تجهیزاتو برابرولو په اړه خبرې شوې دي.
د روغتیا وزارت د خبرپاڼې له مخې؛ د ترکیې شارژدافیر ډاډ څرګند کړی چې هېواد یې د افغانستان له روغتیایي سکتور سره خپلو همکاریو ته دوام ورکوي، او د اړینو تجهیزاتو او امکاناتو برابرولو په برخه کې هڅې کوي.
نوموړي دا هم ویلي چې د درملو په برخه کې یو شمېر ترکي پانګهوالو د افغانستان بازار ته لار موندلې او په دې برخه کې به لا ډېره پاملرنه وشي.



![[000098]](https://sedayedarya.tv/pa/wp-content/uploads/sites/8/2026/08/000098-251x300.png)