د پاکستان پوځ د عمران خان درې خویندې بنديانې کړې

د پاکستان د پخواني لومړي وزیر عمران خان او د هغه د تحریک انصاف ګوند غړي وايي چې د دې هېواد پوځ يې د عمران خان درې خویندې په لاهور کې نيولې دي.
الجزيرې د ياد ګوند د څو غړو په حواله ويلي چې د عمران خان دا خوندې د سپټمبر په ۲۷مه د خپل ورور د خوشې‌کېدو په موخه د پلان شوي لاریون له ترسره کېدو مخکې نیول شوې دي.
د تحریک انصاف ګوند غړو منلې چې د عمران خان پر یوې خور «علیمه خان» د ۳۰ ورځو لپاره د توقیف امر صادر شوی دی.