د بریتانیا نوي لومړي وزیر، انډي برنام، ویلي که د هېواد ملي ګټې مطرح وي، د ایران په ګډون به د ډونالډ ټرمپ له دریځونو سره په ښکاره مخالفت وکړي. هغه وویل چې د ایران پر وړاندې د امریکا د جګړې د پیل په اړه یې اندېښنې لرلې او ټینګار یې وکړ چې د هغه څه له ویلو به ډډه ونه کړي چې سم یې ګڼي. د راپورونو له مخې، د نوموړي له دندې پیل یوه ورځ وروسته، د امریکا یوه B-1 بموړونکې الوتکه د بریتانیا د فېرفورډ له هوايي اډې څخه د ایران پر ضد په برید کې کارول شوې وه. د بریتانیا حکومت ویلي، امریکا ته یې اجازه ورکړې چې د خپلو هغو هوايي اډو څخه، چې امریکايي ځواکونه او الوتکې پکې مېشتې دي، د «دفاعي عملیاتو» لپاره ګټه واخلي.
