د یمن د وسلهوالو ځواکونو ویاند، برید جنرال یحیی سریع، ویلي چې د ځانګړو پوځي عملیاتو په ترڅ کې یې د “ENCELIA” او “LAYLA” په نومونو دوه سعودي د تېلو ټانکرونه په نښه کړي دي. د یمني ځواکونو په خپره شوې خبرپاڼه کې راغلي چې دغه بېړۍ د سره سمندر په سیمه کې د تګ راتګ د بندیز د ماتولو له امله هدف ګرځول شوې دي. تر اوسه سعودي چارواکو یا د یادو بېړیو چلونکو شرکتونو د دغو ادعاوو په اړه څه نه دي ویلي، او د دې عملیاتو د پایلو په اړه هم خپلواکو سرچینو لا تر اوسه تایید نه دی کړی.
