د امریکا د بهرنیو چارو وزارت سعودي عربستان ته د شاوخوا ۵ میلیارد ډالرو په ارزښت د وسلو د خرڅولو له معاملې سره موافقه کړې ده
د وزارت په اعلامیه کې ویل شوي چې په دې معامله کې ګڼ شمېر بمونه او د لرې واټن ویشتونکو توغندیو د لارښوونې سیستمونه شامل دي.
د وسلو ترڅنګ، په تړون کې مهم تجهیزات، پرزې، کیمیاوي توکي او د لېږد، تمویل او تخنیکي چارو اړوند خدمات هم شامل دي.
امریکا وايي، دغه معامله به د سعودي عربستان دفاعي وړتیاوې پیاوړې کړي او د سیمهییزو ګواښونو پر وړاندې به د دغه هېواد د هوايي دفاع په پیاوړتیا کې مرسته وکړي.
د امریکا د بهرنیو چارو وزارت دغه تړون د خپل مهم متحد د امنیت د پیاوړتیا لپاره مهم ګام بللی او ویلي یې دي چې دا ډول همکاری کولای شي د خلیج په سیمه کې د سیاسي ثبات او اقتصادي پرمختګ ملاتړ وکړي.
