د ایران د بهرنیو چارو وزارت ویاند اسماعیل بقایي ویلي چې د تهران او واشنګټن د استازو ترمنځ په قطر کې د کومې ناستې هېڅ پلان نشته. تر دې مخکې د امریکا ولسمشر ډونالډ ټرمپ ویلي وو چې د امریکا یوه پلاوي به د سې شنبې په ورځ په دوحه کې له ایراني پلاوي سره وګوري. خو بقایي دغه څرګندونې رد کړې او ویلي یې دي چې ایراني پلاوی یوازې د امریکا سره د شوي توافق د عملي کولو په چوکاټ کې دوحې ته سفر کوي، او له امریکایي پلاوي سره به هېڅ ډول لیدنه نه ترسره کېږي.
