د بخښنې نړیوال سازمان د بلوڅو د دوو فعالانو، ماهرنګ بلوچ او سبغتالله شاه جي، پر عمر بند سزا نیوکه کړې او دا یې «د عادلانه محاکمې له حق سره سپکاوی» بللی او د هغوی د سمدستي خوشې کېدو غوښتنه یې کړې ده. د کویټې د ترهګرۍ ضد محکمې د جون په ۲۲مه دغه دوه د بلوڅ یووالي کمېټې (BYC) غړي په عمر بند محکوم کړل. د بخښنې نړیوال سازمان د جنوبي اسیا د برخې سرپرستې مشرې، ایزابېل لاسه، ویلي چې دا پرېکړه د پاکستان د ترهګرۍ ضد قوانینو د ناوړه استفادې څرګندونه کوي چې د سولهییزو اعتراضونو د ځپلو لپاره کارول کېږي. د بخښنې نړیوال سازمان په وینا، د دغو دوو فعالانو محاکمه په زندان کې په پټه ترسره شوې او هېڅ مستقیم شواهد نه دي وړاندې شوي چې هغوی دې له تاوتریخوالي یا د یوه امنیتي افسر له وژنې سره وتړي. دغه سازمان ټینګار کړی چې یاد فعالان یوازې د خپلو بشري حقونو د فعالیتونو له امله په نښه شوي او باید ژر تر ژره خوشې شي.
