د کابل یو شمېر اوسېدونکي په تېره یوه اوونۍ کې د برېښنا د پرلهپسې پرېکونونو له امله شکایت کوي. دوی وایي چې د اوړي د تودو ورځو په جریان کې د برېښنا دوامداره پرېکونونه د خلکو ورځنی ژوند، سوداګریز فعالیتونه او اړینو خدماتو ته لاسرسی له جدي ستونزو سره مخ کړی دی. د راپورونو له مخې، د کابل د بېلابېلو سیمو اوسېدونکي د ورځې په اوږدو کې د برېښنا له پرلهپسې پرېکونونو او د شپې له محدود برېښنايي وصل څخه شکایت کوي. ښاریان وایي چې دغه وضعیت د ورځنیو چارو، سوداګریزو فعالیتونو او د برېښنايي وسایلو د کارونې بهیر په جدي ډول اغېزمن کړی دی. همدارنګه، د برېښنا شرکت تر دې وړاندې ویلي وو چې د دغو ستونزو یوه برخه د وارداتي برېښنا په لینونو کې د تخنیکي ستونزو او د برېښنا د تأمین د ظرفیت د کمښت له امله رامنځته شوې ده.
