د اسرائیل لومړي وزیر په ایکس ټولنیزه شبکه کې په تازه پوسټ کې ویلي چې د شنبې په ماښام، د مې په ۲۳مه، یې د امریکا له ولسمشر ډونالډ ټرمپ سره د ایران په اړه ټلیفوني خبرې کړې دي. هغه لیکلي چې په دې خبرو کې له ټرمپ سره دې هوکړې ته رسېدلي چې له ایران سره هر ډول وروستۍ موافقه باید داسې وي چې د دغه هېواد اټومي ګواښ «په بشپړ ډول له منځه یوسي». د اسرائیل لومړي وزیر همداراز ټینګار کړی چې تلابیب له هغې موافقې سره موافق نه دی چې د دوی په باور د ایران اټومي وړتیا وساتي.
