د افغانستان لپاره د ملګروملتونو د ملاتړ صندق (يونېسف) خبر ورکړی،چې د اسايي پراختيايي بانک له لوري په لسو ولايتونو کې قابلې روزل کېږي. يادې ادارې نن د اپرېل په ۴مه پر خپله ايکسپاڼه ليکلي، دا قابلې په ۵۰ روغتيايي مرکزونو کې روزل کېږي. يونېسف د بادغيس له روغتون د داکټرې ليلومې او ډاکټرې شيبا انځورونه خپاره کړي، چې قابلو ته رزونه ورکوي. د ملګروملتونو د ملاتړ صندق (يونېسف) ويلي: «هره مور او نوی زیږېدلی ماشوم مستحق دی، چې په یوه مسلکي لاس تکیه وکړي.» يونېسف ويلي، د قابلو په روزنې سره به دوی لا مسلکي او اړونده برخه کې به نوي مهارتونه زده کړي. افغانستان يو له هغو هېوادونو دی، چې د مور او ماشوم مړينه پهکې ډېره ده او لامل يې په ليرې پرتو سيمو کې د ښځينه روغتيايي کارکوونکو نهشتون ښودل شوی دی.
