د سعودي عربستان د بهرنیو چارو وزارت په یوه اعلامیه کې د ایران بریدونه «بزدلانه» عمل وباله او په کلکو ټکو یې وغانده. اعلامیه کې ویل شوي، چې دغه هیواد د یادو وروڼو هېوادونو سره خپل بشپړ پیوستون او ملاتړ څرګندوي او چمتو دی، چې د دوی د ملاتړ لپاره هر ډول لازم اقدامات ترسره کړي. سعودي عربستان خبرداری ورکړی، چې د هېوادونو د حاکمیت او د نړیوالو قوانینو د اصولو پرلهپسې سرغړونې به جدي او ناوړه پایلې ولري. په اعلامیه کې له نړیوالې ټولنې غوښتنه شوې، چې دغه «بزدلانه بریدونه» وغندي او د ایران د هغو سرغړونو د مخنیوي لپاره قاطع اقدامات وکړي، چې د سیمې امنیت او ثبات ګواښي.
